Pallati Buckingham është mbyllur mbrëmjen e djeshme pasi një burrë hodhi fishekë të dyshuar armësh gjahu në tokën jashtë rezidencës mbretërore. Incidenti vjen vetëm disa ditë nga kurorëzimi i Charles.
Policia bëri të ditur se në pranga është vënë një burrë rreth orës 19:00 me orën lokale, pasi ai iu afrua portave të Pallatit. Ndërsa, dëshmitarët thanë se ai u pa duke hedhur një “një numër sendesh” në ambientet e banimit.
Mbreti ishte brenda në pallat kur ndodhi incidenti ndërsa më herët gjatë ditës kishte takuar kryeministrin australian Anthony Albanese.
Përgjatë “The Mall”, mbështetësit e monarkëve kishin nisur të ngrinin çadrat për të siguruar vendet në rreshtin e parë për eventin historik që do të mbahet këtë fundjavë.
Policia shtoi se objektet u gjetën dhe se burri tani është në paraburgim pasi iu gjet edhe një “çantë e dyshimtë”. Pallati është i rrethuar dhe njoftohet po ashtu se është kryer një shpërthim i komanduar.
