TEA, Tourism Event of Albania, në shqip Eventet Turistike të Shqipërisë, do të jetë gati shumë shpejtë i aksesueshëm në të gjithë telefonat.
Lajmin e ka bërë të ditur në media ministrja e Turizmit dhe Mjedisit Mirela Kumbaro. Ajo tha se me aplikacionin mund të gjendet në çdo kohë dhe në çdo vend çfarë po ndodh dhe çfarë do të ndodhë gjatë gjithë sezonit turistik si aktivitete.
Mjafton të vendosësh vendndodhjen dhe aplikacioni do të nxjerrë rezultatet ku veprimtaritë do të jenë të dedikuara për të gjitha grupmoshat, tha ministrja Kumbaro.
Aplikacioni është krijuar falë një bashkëpunimi të dedikuar me të gjitha ministritë, bashkitë, organizatat dhe ambasadat.
“Bashkëpunimi do të vazhdojë me kompani të ndryshme të organizimit të eventeve të cilat do të shtrihen gjatë gjithë sezonit, gjatë gjithë territorit, për të gjitha grupmoshat dhe do të jenë me data, vendndodhje dhe tipologji” tha zonja Kumbaro.
Aplikacioni TEA do të jetë i mundur të aksesohet përgjatë javës së ardhshme.
