Kryeministri në detyrë, Ramush Haradinaj, duke i uruar Çekisë Ditën Nacionale, ka thënë se Kosova është e përkushtuar për avancimin e marrëdhënieve bilaterale me të dhe fuqizimin e partneritetit në të gjitha fushat e interesit të përbashkët.
Haradinaj ka marrë pjesë në shënimin e Ditës Nacionale të Republikës Çeke.
“Përmes të Ngarkuarit me Punë në Ambasadën e Republikës së Çekisë në Kosovë, ambasadorit Pavel Bilek, i urova popullit dhe shtetit çek festën kombëtare me dëshirat më të mira për mirëqenie dhe prosperitet të vazhdueshëm. Kosova është e përkushtuar për avancimin e marrëdhënieve bilaterale me Çekinë dhe fuqizimin e partneritetit në të gjitha fushat e interesit të përbashkët”, ka shkruar Haradinaj.
