Prokuroria e Posaçme, SPAK, ka identifikuar vajzën e videos intime që çoi në shkarkim nga detyra kryebashkiakun e Kukësit, Safet Gjici.
Deklarimi i saj do të jetë thelbësor në hetimin e nisur nga SPAK ndaj Gjicit për akuzën e “shpërdorimit të detyrës”.
Burime jozyrtare të SPAK bënë me dije se ende nuk është administruar dëshmia e saj. Rrëfimi i vajzës pritet të zbulojë për grupin e hetimit edhe pajisjen e përdorur për regjistrimin dhe mundësinë e sigurimit të saj.
Nga ana tjetër, hetimi do të zgjerohet edhe lidhur me pretendimet e Gjicit për një kurth dhe identifikimin e personave që mund të kenë bashkëpunuar për shantazhimin e tij.
Pas këtij skandali të kryebashkikaut, që u dorëhoq duke e cilësuar videon ndaj tij një kurth politik, në bashkinë e Kukësit pritet të mbahen zgjedhjet vendore për të zgjedhur kryetarin e ri.
