“Rusia është e hapur për dialog me këdo që kërkon paqe”, kështu ka deklaruar Presidenti rus, Vladimir Putin, gjatë takimit me një delegacion të krerëve të shteteve afrikane në Shën Petersburg, të cilët i paraqitën atij një plan për të filluar ndërmjetësimin në Ukrainë.
Presidenti rus akuzoi se është Ukraina ajo që nuk dëshiron të negociojë, ndërsa sipas kreut të Kremlinit “të gjitha problemet në Ukrainë filluan pas grushtit të shtetit të armatosur antikushtetues të vitit 2014, i mbështetur nga sponsorët perëndimorë”.
Po ashtu Putin ka folur edhe për marrëveshjen për eksportin e grurit nga portet e Ukrainës, duke deklaruar prerazi se ajo nuk do të rinovohet.
“Nuk ka asnjë shans të rinovohet”, ka deklaruar ai.
Lufta në Ukrainë ka arritur në ditën e 479-të, ndërsa presidenti Volodymyr Zelensky thotë se Ukraina po rifiton territoret./ TGCOM
