Klubet e Premier Ligës do të diskutojnë nëse trajnerëve duhet t’u lejohet të apelojnë vendimin e një gjyqtari gjatë ndeshjeve, për të ndryshuar rrënjësisht mënyrën se si e përdorin gjyqtarët sistemin VAR.

Në një takim të javës së ardhshme, sipas “Telagraph Sport”, do të shtyhet përpara ideja që të lejohet në një ndeshje një numër i caktuar i apelimeve nga trajnerët.

Një nga zyrtarët i ka thënë këtij mediumi se do të ishte pro që t’i jepej leja çdo trajneri deri në tri apelime për dyshimet e tij gjatë ndeshjes, transmeton Koha.net.

Një kryetar i një klubi ka thënë për “Telegraphin” se “VAR-i po punon për pozitë jashtë loje, por jo për tjerat”.

Në sezonin e parë të VAR-it në Premier Ligë ka pasur diskutime të shumta se nuk po funksionon siç duhet. Sipas shumë analistëve e klubeve të ndryshme, VAR-i vetëm po e dëmton Premier Ligën.

Gjithsesi, Premier Liga pritet të dalë kundër këtij propozimi nën arsyetimin se do të çonte në shumë humbje kohe e aplikime taktike nga trajnerët për të humbur minutat.