Një 25-vjeçar nga Tirana është vënë në prangat e policisë pasi ka hyrë në shtëpinë e fqinjit, ka vjedhur një shumë parash si dhe ka përdhunuar të dashurën e 49-vjeçarit.
Bëhet fjalë për të riun e identifikuar me iniciale J. O., 25 vjeç, banues në Tiranë. Nga sa njofton policia, 25-vjeçari ditën e djeshme ka shkuar në banesën e A. B., 49 vjeç, (fqinji i tij), të cilit i ka vjedhur me dhunë një shumë parash dhe një aparat celular.
Më pas ka marrë me forcë të dashurën e 49-vjeçarit, dhe pasi e ka dërguar në banesën e tij, ka kryer marrëdhënie seksuale me të, pa dëshirën e saj.
Pas denoncimit, ai është arrestuar nga uniformat blu.
