Albiona Ajeti është 23 vjeçarja shqiptare që jeton në Kanada, para pesë viteve ka nisur të zhvillojë lojëra për dyqanin e aplikacioneve të Apple dhe Google Play.
Ajo është rritur në qytetin e Ferizajt në Kosovë, ndërsa më 2012 së bashku me familjen ka emigruar në provincën më të pabanuar me shqiptarë Prince Edward Island (PEI), e cila gjendet në lindje të Kanadasë. Është diplomuar në Fakultetin e Biznesit Global dhe Artit Digjital në Univeristy of Waterloo.
Së fundmi ajo ka krijuar dy lojëra për gjigandin botëror Apple dhe Google Play, “Balkan Hero” dhe “Flaming Target”, për të cilat për gazetën “Diaspora Shqiptare” ajo flet me pasion.
“Balkan Hero është një lojë që unë krijova me entuziazëm dhe pasion. Unë ndjeva nevojën të shfaqja trashëgiminë dhe kulturën shqiptare në një mënyrë interaktive dhe argëtuese. Duke përdorur teknologjinë dhe aftësitë e mia në zhvillimin e lojërave, kam krijuar një ambient të veçantë ballkanik dhe aventurat emocionuese që e bëjnë Balkan Hero të ndryshme nga lojërat tradicionale. Lojtarët zënë rolin e një hero të Ballkanit, e veshur me rroba tradicionale shqiptare, dhe udhëtojnë nëpër vende të bukura të rajonit për të përballuar sfida dhe aventura emocionuese, duke iu shmangur pengesave të ndryshme dhe duke synuar që të aktivizojnë bonuset interaktive gjatë lojës. Synimi im si zhvilluese e këtij aplikacioni është të ofroj një përvojë unike dhe të frymëzoj lojtarët të njihen dhe të shijojnë bukuritë dhe historinë e këtij rajoni të mrekullueshëm”- thotë ajo. “Balkan Hero” është mund të shkarkohet nga Google Play Store!
Pastaj ajo tregon se “Flaming Target” është loja më e re e saj dhe më e preferuar. “Me gameplay-in e tij unik, sfidat e mbresëlënëse, dhe programimi më kompleks që e kam bërë deri më tani, Flaming Target ka arritur të bëhet projekti im më i dashur. Ideja për këtë lojë lindi nga dëshira ime për të krijuar një sfidë argëtuese dhe stimuluese për lojtarët. Në këtë lojë, lojtarët duhet të gjuajnë topin dhe të godasin një objektiv të lëvizshëm. Me kalimin e niveleve, do të shfaqen pengesa të reja, duke shtuar sfidën dhe emocionin. Synimi im është të ofroj një përvojë e distraktuar dhe e kënaqshme për lojtarët, duke i sfiduar ata për të arritur pikët maksimale dhe për të vërtetuar aftësitë e tyre të gjuajtjes. Për të koduar lojën “Flaming Target”, unë përdora gjuhën e programimit dhe teknologjitë e motorëve fizikë për të implementuar lëvizjen dhe përplasjet realiste të objekteve. Kjo përfshiu dizajnin e arkitekturës së lojës, krijimin e objekteve dhe implementimin e algoritmave për trajektoret e topit dhe zbulimin e përplasjeve. Kjo lojë gjendet ne Apple App Store dhe Google Play Store në të gjitha regjionet e botës”.
