Mëlçia e yndyrshme, e njohur si hepatosteatozë, është një gjendje e shkaktuar nga akumulimi i yndyrës në qelizat e mëlçisë. Kjo situatë ndodh kur sasia e yndyrës së grumbulluar tejkalon peshën e mëlçisë me 5%.
Shkaqet mund të jenë të ndryshme, duke filluar nga sëmundjet e deri te mënyra e gabuar e jetesës.
Mëlçia e yndyrshme në përgjithësi nuk shkakton simptoma të asnjë lloji, por në disa individë mund të çojë në zhvillimin e inflamacionit dhe cirrozës.
Shkaqet e mundshme- Shkaqet mund të jenë të ndryshme, duke filluar nga patologjitë e deri te mënyrat e gabuara të jetesës. Ndër shkaqet më të zakonshme janë diabeti i tipit 2, anemia, çekuilibri hormonal, mungesa e vitaminës B12, nivelet e larta të triglicerideve dhe kolesterolit në gjak, konsumimi i tepërt i alkoolit, dieta shumë të pasura me yndyrë, përdorimi i disa medikamenteve, aktiviteti fizik dhe sforcimi i tepruar.
Simptomat- Mëlçia e yndyrshme në përgjithësi nuk shkakton simptoma të asnjë lloji, por në disa individë mund të çojë në zhvillimin e inflamacionit dhe cirrozës. Mëlçia e dhjamosur, në fazat e saj fillestare, ende mund të shkaktojë dhimbje në pjesën e sipërme të djathtë të barkut, zakonisht të përkohshme.
Ushqimet e rekomanduara- Ushqimet e rekomanduara kur vuani nga mëlçia e yndyrshme përfshijnë peshkun (veçanërisht peshkun me vaj), perimet e papërpunuara dhe të ziera, frutat, karbohidratet si buka, makaronat dhe orizi, qumështi dhe kosi gjysmë i skremuar dhe mishi, veçanërisht mishi i bardhë.
Ushqimet që nuk rekomandohen- Ushqimet që nuk rekomandohen kur vuani nga mëlçia e yndyrshme përfshijnë: alkoolin, pijet me sheqer, sheqernat në përgjithësi, ushqimet me yndyrë, ushqimet me origjinë shtazore, majonezën dhe salcat e tjera të përpunuara.
