Shtetet e Bashkuara i kanë bërë presion Iranit që të ndalojë shitjen e dronëve Rusisë, të cilat Moska po i përdor në luftën në Ukrainë, si dhe pjesë këmbimi për dronët, thuhet në raport, duke cituar një zyrtar iranian dhe një person tjetër të njohur me bisedimet.
Lajmi vjen ndërsa Uashingtoni dhe Irani po përpiqen të zbusin tensionet dhe të ringjallin bisedimet më të gjera mbi programin bërthamor të Iranit. Sekretari amerikan i shtetit Antony Blinken tha të martën se ai do të mirëpriste çdo hap të Iranit për të de-përshkallëzuar “kërcënimin bërthamor në rritje”.
Këto diskutime janë zhvilluar së bashku me negociatat për një marrëveshje të shkëmbimit të të burgosurve javën e kaluar.
Irani dërgoi katër shtetas të ndaluar amerikanë në arrest shtëpiak nga burgu Evin i Teheranit, ndërsa një i pestë ishte tashmë nën izolim në shtëpi.
Javën e kaluar, burime për Reuters thanë se Irani mund të lirojë pesë shtetas të arrestuar amerikanë si pjesë e një marrëveshjeje për të shkrirë 6 miliardë dollarë në fondet iraniane në Korenë e Jugut.
