Ditën e sotme presidenti i Ukrainës, Volodymyr Zelensky, ka zhvilluar një vizitë zyrtare në Greqi.
Lajmin e kanë bërë të ditur mediat e huaja, sipas të cilave, Zelensky ka mbërritur në Pallatin Maximos.
Ai u prit nga kryeministri grek Kyriakos Mitsotakis. Vizita është paralajmëruar në minutën e fundit për arsye sigurie, ndërsa në orën 19:50 Zelensky do të pritet nga presidentja e Republikës, Katerina Sakellaropoulou.
Pas takimit në Pallatin Maximos, do të vijojë një takim i zgjeruar me pjesëmarrjen e delegacioneve, ndërsa më pas të dy liderët do të bëjnë deklarata për shtyp.
Volodymyr Zelensky po bën vizitën e tij të parë zyrtare në Greqi dhe e para që nga pushtimi rus i Ukrainës, pas ftesës së drejtuar nga Kyriakos Mitsotakis gjatë pranverës së vitit të shkuar.
