Pentagoni ka urdhëruar grupin sulmues të avionëve Ford që të lundrojë në Mesdheun Lindor për të qenë gati për të ndihmuar Izraelin. Kjo u bë e ditur të dielën nga dy zyrtarë amerikanë.
Lajmi u konfirmua edhe nga Sekretari i Mbrojtjes, Lloyd Austin, i cili tha të dielën se ka urdhëruar grupin sulmues Ford të lundrojë në Mesdheun Lindor që të jetë gati për të ndihmuar Izraelin pas sulmit të befasishëm nga Hamasi që ka lënë më shumë se 1000 të vdekur dhe mijëra të plagosur nga të dyja palët.
USS Gerald R. Ford me rreth 5000 marinarë në bord, si avionët luftarakë në kuvertë, do të shoqërohen nga kryqëzorë dhe shkatërrues. Kjo është një shfaqje force që synohet të jetë gati për t’iu përgjigjur çdo situate, duke filluar nga ndalimi i mundshëm i armëve shtesë për Hamasin deri te kryerja e vëzhgimit.
Hamasi nisi inkursionin e tij të paprecedentë nga Gaza të shtunën. Të paktën 600 njerëz raportohet se janë vrarë në Izrael dhe më shumë se 300 janë vrarë në Gaza pas sulmeve ajrore izraelite që kanë arritur të godasin territorin.
Transportuesi me bazë në Norfolk, Virxhinia ishte në Mesdhe. Javën e kaluar ai po zhvillonte stërvitje detare me Italinë në detin Jon. Është aeroplanmbajtësja më e re dhe më e avancuar e Shteteve të Bashkuara dhe ky është dislokimi i tij i parë i plotë i saj.
Zyrtarët nuk ishin të autorizuar të diskutonin publikisht këtë çështje përpara njoftimit të Departamentit të Mbrojtjes dhe folën në kushte anonimiteti.
Sipas një zyrtari amerikan, raportet paraprake tregojnë se të paktën katër qytetarë amerikanë janë vrarë nga sulmet dhe shtatë të tjerë rezultojnë të zhdukur.
Numrat mund të ndryshojnë ndërsa po përpilohet një listë me e plotë, sipas një zyrtari, i cili foli në kushte anonimiteti për të diskutuar raportet fillestare të marra nga Ambasada e SHBA në Jerusalem. Shumica, nëse jo të gjithë, nga ata që raportohen të vdekur ose të zhdukur janë shtetas të dyfishtë amerikano-izraelit, tha zyrtari.
Blinken: Ka njoftime për qytetarë amerikanë të vrarë
Sekretari amerikan i Shtetit Blinken tha të dielën se Uashingtoni po ndjek njoftimet sipas së cilave qytetarë amerikanë ishin mes të vrarëve dhe personave që nuk u dihet fati nga dhuna në Izrael dhe se Shtetet e Bashkuara po “punojmë pa pushim për të verifikuar” këto njoftime.
Zoti Blinken i bëri komentet të dielën në intervista në emisionet e mëngjesit në kanalet televizive amerikane, duke e quajtur goditjen ndaj Izraelit “një sulm terrorist nga një organizatë terroriste”.
Kryediplomati amerikane tha se SHBA po shqyrton kërkesat për ndihmë shtesë që kanë bërë izraelitët dhe se mund të ketë zhvillime në këtë drejtim gjatë ditës.
Sekretari amerikan i Shtetit tha gjithashtu se sulmi i Hamasit ndaj Izraelit mund të ketë qenë pjesërisht i motivuar nga synimi për të penguar normalizimin e mundshëm të marrëdhënieve mes Izraelit dhe Arabisë Saudite. AP
