Një 29-vjeçar ka rënë në prangat e Policisë, pasi akuzohet se i vuri flakën një lokali në Tiranë, për llogari të një personi tjetër. Në një njoftim për mediat, Policia bën me dije se i riu me inicialet R. B., ishte paguar 20 mijë lekë për kryerjen e këtij krimi, ndërsa porositësi, një 24-vjeçar, është shpallur në kërkim.
29-vjeçari hodhi lëndë djegëse në tarracën e lokalit në rrugën “Gjin Bue Shpata”, ku si pasojë janë djegur panelet diellore dhe disa pajisje të lokalit.
Sipas policisë, në cilësinë e provës materiale u sekuestruan veshje të cilat autori i ka pasur veshur gjatë kryerjes së krimit, si dhe disa targa automjetesh të shtetësive të ndryshme, të gjetura gjatë kontrollit të banesës së tij.
Po punohet për kapjen e shtetasit R. B., si dhe të personave të tjerë të implikuar në këtë veprimtari kriminale. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
