Ndërsa në Tiranë po zhvillohet Samiti i Procesit të Berlinit ku pjesëmarrës janë liderët e BE dhe ata të rajonit, presidenti serb Aleksandër Vuçiq ka shkuar në Pekin ku po zhvillohet forumi i tretë ‘Brez dhe Rrugë’. I pranishëm në këtë forum do të jetë dhe presidenti rus, Vladimir Putin.
Vuçiq, presidenti i vendit të cilit në Tiranë sot përfaqësohet nga kryeministrja Ana Brnabiç, paralajmëroi takime dhe nënshkrimin e marrëveshjeve të rëndësishme me Kinën, si dhe takime dypalëshe me presidentin kinez Xi Jinping.
Në një prononcim për median vendase, gjatë vizitës dyditore, Vuçiq do të nënshkruajë tre dokumente të bashkëpunimit strategjik, prej të cilave më i rëndësishmi është Marrëveshja e Tregtisë së Lirë me Kinën.
Udhëheqësit, përfaqësuesit dhe delegacionet nga më shumë se 140 vende, duke përfshirë Lindjen e Mesme pritet të takohen në kryeqytetin kinez për mbledhjen dy-ditore.
Nisma “Një Brez Një Rrugë”, një projekt që parasheh investime infrastrukturore në vende në zhvillim.
