Jamarbër Malltezi ka përfunduar në prangat e policisë. Ngjarja ka ndodhur një ditë më parë në aeroportin e Rinasit
Jamarbër Malltezi ka përfunduar në prangat e policisë. Ngjarja ka ndodhur një ditë më parë në aeroportin e Rinasit. Ai ishte duke u kthyer nga një vend i Bashkimit Europian, kur është arrestuar në ambientet e aeroportit nga autoritetet me urdhër nga SPAK.
Siç shihet nga fotoja, disa policë e kanë rrethuar dhe shoqëruar në makinën e policisë.
Ai u arrestua këtë të shtunë me akuzën e korrupsionit pasiv, pas masës së dhënë nga Gjykata e Posaçme me kërkesë të SPAK.
Por jo vetëm kaq, pasi GJKKO ka caktuar mbrëmjen e djeshme edhe detyrim paraqitje dhe ndalim të daljes jashtë shtetit për ish-kryeministrin e vendit, Sali Berisha.
Burime nga SPAK njoftojnë se Berisha ka marrë masën e sigurisë detyrim paraqitje.
Lidhur me akuzat e bëra nga SPAK, Berisha mbrëmë vendosi që të mbante një konferencë të jashtëzakonshme për shtyp.
Nga selia e Partisë Demokratike, Berisha u shpreh:
“Unë pranoj plotësisht sfidën, as kufizimi im për të lëvizur nëpër Shqipëri s’më ndalon dot, unë jam deputet dhe do takohem me ndjekësit”.
