Anglia është në zi pasi humbën një nga lojtarët më të famshëm të gjithë kohërave, Sir Bobby Charlton, por jo të gjithë tifozët në ishull janë bashkuar me hidhërimin e madh për shuarjen e një ikone me përmasa të tilla. Sir Bobby Charlton ishte jo vetëm legjenda e Man.United, skuadër ku në 17 vite realizoi 249 gola dhe e drejtoi më pas për 39 vite, por ishte dhe një ikonë e përfaqësueses britanike, protagonisti kryesor i triumfit në Botërorin e 1966. Tifozët e Man.City, në përfundim të pjesës së parë, gjatë ndeshjes me Brighton, lëshuan disa kore kundër Bobby Charlton. Ky gjest i tyre ka pushtuar faqet e para të mediave angleze:
“Si mundët”, shkruan Express. Të gjithë mediat kanë dënuar këtë veprim të tifozëve, e dënoi ashpër edhe vetë klubi i Man.City. Në lidhje me atë që ndodhi në fushë, City mposhti Brighton 2-1 duke u rikthye në krye me 21 pikë. Pikërisht në ditën e ndarjes nga jeta të Bobby Charlton, Man.United siguroi fitoren e dytë radhazi në Premier League teksa mposhtën Sheffield United me rezultatin 2-1.
