Ambasadori izraelit në Gjermani u ka kërkuar vendeve të Europës që të dërgojnë anije spitalore në Egjipt.
Ron Prosor tha se ato do të përdoren për të trajtuar palestinezët e plagosur që hyjnë në Egjipt nga Rripi i Gazës.
Në një intervistë në radio Kan, transmetuesin publik të Izraelit, ai shtoi: “Nuk e di ende nëse po ndodh. Ne e kërkuam këtë. Supozoj se po diskutohet. Ekziston një prirje, këtu në Europë, për të ndihmuar në çështjet humanitare në çdo mënyrë të mundshme”
Kujtojmë se javën e kaluar, Franca tha se po dërgonte një anije në Mesdheun lindor për të “mbështetur spitalet e Gazës”.
Izraeli gjithashtu kërkoi nga Italia, por zyrtarët thanë se nuk kishin dëgjuar ende.
