Videoja publike e Kate Middleton që njoftoi botën për diagnozën e saj të kancerit ka ngritur dyshime të shumta. Një detaj i ri është shfaqur në videon e fundit që po i bën teoricienët e konspiracionit të besojnë se videoja është realizuar me AI (Inteligjenca Artificiale).
Një version i ngadalësuar i videos origjinale duket se tregon unazën e saj prej safiri që zhduket dhe më pas rishfaqet. Videoja ka grumbulluar mbi 3 milionë shikime.
Megjithatë, pohimet e bëra tek miniklipet virale mund të jenë edhe të rreme pasi në disa raste videot ose janë të redaktuara ose duket se janë marrë kur Princesha ka lëvizur shpejt dorën.
