Një burrë 28-vjeçar, i cili në mars 2023 goditi me thikë partneren e tij 26-vjeçare, e copëtoi në më shumë se 200 copa dhe më pas i pagoi një shoku 50 £ për ta hedhur në lumë, është dënuar me burgim të përjetshëm.
Krimi, me protagonist një “përbindësh satanik”, siç u përshkrua autori në gjykatë, ndodhi në Lincolnshire, Anglia lindore, ndërsa eshtrat e 26-vjeçares fatkeqe Holly Bramley u gjetën në lumin Widham. Vrasësi Nicholas Mattson, i cili pranoi vrasjen, u dënua me 19 vjet e 316 ditë burg.
Shoku i tij, i cili ndihmoi në asgjësimin e trupit gati një javë më vonë, u burgos gjithashtu me tre vjet e tre muaj. “Shkaku i vdekjes nuk mund të përcaktohet duke pasur parasysh mënyrën në të cilën e trajtuat trupin e Holly-t pasi e vratë atë,” i tha gjykatësi vrasësit ndërsa ai lexonte dënimin.
Zhytësit e policisë zbuluan 224 mbetje të trupit të 26-vjeçares, të cilat sulmuesi i kishte mbajtur të fshehura më parë në banesën ku jetonin. Çifti ishte martuar në vitin 2021, por ishin në prag të ndarjes kur Metson, i cili ka çrregullime të spektrit të autizmit (ASD), e vrau atë.
Më 17 mars 2023, Mattson goditi disa herë me thikë gruan e tij 26-vjeçare në dhomën e tyre të gjumit, përpara se ta çonte në banjë, ku e copëtoi. Eshtrat e saj më pas u ruajtën në kuzhinë për gati një javë para se të hidheshin në lumin Widham nga i dashuri i 26-vjeçares.
