Më shumë se 10 000 njerëz demonstruan në Madrid në favor të mbajtjes së postit të kryeministrit Pedro Sánchez pas deklaratës së tij se do të jepte dorëheqjen pasi një grup i krahut të djathtë ngriti akuza kundër gruas së tij.
Gjatë demonstratës jashtë selisë së partisë socialiste PSOE të Sánchez-it, njerëzit bërtisnin slogane të tilla si “Pedro, mos u dorëzo”, “Sigurisht që ia vlen” dhe “Qëndro”, ndërsa valëvitnin flamuj të kuq dhe pankarta.
Prokuroria e Madridit ka kërkuar pushimin e hetimeve paraprake mbi akuzat për korrupsion kundër Zonjës së Parë, Begoña Gómez, njoftoi gazeta El País dhe media të tjera të enjten, duke cituar gjyqësorin.
Ndërkohë PSOE-së u mblodh në selinë e partisë dhe për herë të pare ndërsa takimi u transmetua publikisht. Përfaqësuesit kryesorë të partisë i bënë thirrje Sanchezit të mos jepte dorëheqjen.
“Demokracitë bëhen regresive kur mohohet legjitimiteti i rezultateve zgjedhore,” paralajmëroi zëvendësja e Sánchez, María Jesús Montero.
‘’Kjo është pikërisht ajo që e djathta dhe e djathta ekstreme po përpiqen të arrijnë me një strategji të hedhjes së baltës”, paralajmëroi Sanchez.
