Show - Biz

Spanjë-Gjermani në shifra, historia dhe një hakmarrje që pret me dekada…

Published

1 year ago

5 July, 2024

albnews

Europiani i Gjermanisë po hyn në fazën më të nxehtë të tij, aty ku llogaritë fillojnë bëhen dhe më delikate dhe ku çdo gabim kushton shumë.

E premtja e datës 5 korrik çel fazën e çerekfinaleve me një duel nga ato që në kuptimin e plotë të fjalës quhen si finale të “parakohshme”. Në “MHPArena” të Stuttgartit do të luhen minimalisht 90 minutat më emocionuese të këtij turneu deri më tani, kryendeshja e kësaj faze është Spanjë-Gjermani, një duel që e ka zanafillën që në fillimet e turneve madhorë, në sportin më të ndjekur në botë.

Nuk është Spanja e viteve të arta 2008-2012, por janë talentet iberikë që premtojnë shumë dhe deri më tani kanë sjellë imazhet e një përfaqësueseje të madhe. Nuk do të jenë Iniesta apo Xavi, por janë Pedri dhe Rodri, gati për të shkruar historinë e tyre dhe të atij kombi që mbajnë mbi supe. Më parë, shumëkush do e quante çmenduri të mendohej se ndonjë adoleshent që ende nuk ka kryer arsimin bazë të plotë, do të luante në nivele të tilla.

Lamine Yamal ka thyer çdo parashikim, duke u kthyer në lajtmotivin e këtij europiani kaq emocionues. Spanja e 2024-ës për disa mbase nuk është ajo e kohëve të arta të Barcelonës, që u reflektua më pas dhe në përfaqësuese, por është një skuadër e mbushur me talente dhe kampionë. Mjafton të përmendësh 21-vjeçarin Nico Williams dhe një fitues Champions League-e si Dani Carvajal me Realin e Madridit. Në Grupin B, Spanja ishte së bashku me Italinë, Kroacinë dhe kombëtaren e Shqipërisë.

Në ndeshjen e parë, iberikët treguan menjëherë dhëmbët, duke fituar pastër 3-0 ndaj Kroacisë, ndërsa në ndeshjen e dytë dehën Italinë me një lojë dëfryese, që pavarësisht rezultatit 1-0, dhuruan një nga ndeshjet më të mira në historinë e saj. Në sfidën e fundit, atë ndaj Shqipërisë, furia e kuqe luajti me formacionin e dytë dhe ia arriti të merrte 3 pikët e radhës, që i siguruan vendin e parë perfekt me 9 pikë të plota dhe asnjë gol i pësuar. Shorti i fazës së 1/16-ave ishte me fat për spanjollët, teksa Gjeorgjia ishte rivali i ndeshjes së parë me eliminim direkt. Pavarësisht se pësuan një gol që në fillim, madje edhe atë duke e shënuar vetë, me autogolin e Le Normand, 3-herë kampionët e Europës ishin të saktë dhe shënuan plot 4 herë në portën e Mamardashvilit, duke prerë biletën e çerekfinaleve.

Nga ana tjetër janë ata, Gjermania që nuk vdes kurrë. Gjermania që në ADN-në e saj ka disiplinën dhe vendosmërinë. Në kuotimet e këtij edicioni janë ata të parët, për ta fituar këtë event madhor. Përveç faktit që luajnë në shtëpinë e tyre, Gjermania ka treguar në këto ndeshje se di të jetë shumë e rrezikshme dhe nëse gjen pika të dobëta, është një përfaqësuese që nuk fal.

Ka një brez shumë të mirë lojtarësh, të mbushur plot me eksperiencë dhe fuqi në këmbët e më të rinjve. Që në portë kanë një kampion si Manuel Neuer, që pavarësisht moshës, është një nga më të mirët në rolin e tij mes shtyllave. Mbrojtje solide me Kimish dhe Rudiger, ku pak muaj më parë ishin rivalë në një nga ndeshjet më dramatike në Champions League në dekadën e fundit. Mesfushë plot fantazi e Gundogan dhe Musiala, që janë gati për t’u treguar të gjithëve që janë aty për të fituar. E më tej në sulm me një tjetër të kampion të ri në moshë si Florian Wirtz, ku e ardhmja e tij mendohet në klubet më të mëdha të Europës. Gjermania ishte pjesë e grupit A së bashku me Skocinë, Zvicrën dhe Hungarinë.

Ishin pikërisht të zotët e shtëpisë ata që luajtën ndeshjen hapëse të eventit ndaj Skocisë. Sfida e parë ishte një goleadë e panzerave, teksa e kthyen në një festival golash ndeshjen, duke fituar thellë 5-1. Në ndeshjen e dytë, Gjermania uli disi ritmin, por sërish fitoi me rezultatin 2-0 ndaj Hungarisë, duke blinduar kualifikimin. Përballja e tretë ndaj Zvicrës ishte ajo përcaktuese për vendin e parë. Deri në minutën e 92-të ishin helvetët ata që do dilnin si koka e grupit, pasi ishin duke triumfuar me rezultatin 1-0, por një gol i Fullkrug bëri që Gjermania të dilte e para. Në ndeshjen e fazës së 1/16-ave, Gjermania kaloi me jo pak vështirësi Danimarkën, ku golat e Havertz me penallti dhe Musialës, kualifikuan më tej skuadrën e Julian Nagelsmann.

Spanjë-Gjermani është nga ato ndeshje që jemi mësuar t’i shohim në gjysmëfinale ose finale. Nuk janë të largëta kujtimet, ku një tjetër europian pa protagonist këto skuadra. Në Euro 2008 finalja u diskutua pikërisht mes 2 ekipeve, me Spanjën që iu fal golit të Torres dhe ngriti në qiellin e Vienës titullin e dytë kampion në histori, ku më pas në 2012-ën e bëri në 3 numrin e trofeve pas finales me Italinë. Ndërsa 2 vite pas asaj finaleje, erdhi botërori i largët i Afrikës ku fati donte që Spanja dhe Gjermania të përballeshin sërish, kësaj here në gjysmëfinale. Nga zhvillimet e një goditjeje këndi erdhi goli që vendosi takimin. Krosimi i Xavi Hernandez gjeti Carles Puyol në zonë që me një goditje mjeshtërore me kokë gjeti golin e fitores spanjolle, që më pas u kurorëzua me triumfin në një kupë botë, ku mundi në finale 1-0 Holandën.

Gjermanët kërkojnë hakmarrjen për këto ndeshje, të cilat në Berlin janë kujtuar gjatë, për mënyrën sesi erdhën. Përfaqësueset janë ndeshur edhe në ndeshje të tjera miqësore dhe zyrtare të Nations League, por fitorja e fundit e panzerave ka ardhur në Europianin e 1988-ës, kur ende në kryeqytet qëndronte famëkeqi muri i Berlinit. Tani tifozët gjermanë janë të bindur se ka ardhur koha për një fitore të madhe, që i katapulton dhe më shumë në rrugën drejt finales, pavarësisht se në një gjysmëfinale potenciale do të gjejnë fituesin e çiftit Portugali-Francë. Europa dhe pse jo bota pasditen e datës 5 korrik, në orën 18:00 do të jetë dëshmitare e një prej faqeve të reja të historisë të sportit më popullor në planet.

Albania

Stuhia Arktike mbërrin në Evropë: ç’mund të presë Ballkani?

Published

5 hours ago

2 January, 2026

albnews

Pas një periudhe moti më të qëndrueshëm të dominuar nga blloku i fortë Rex, i cili ruajti kushte relativisht të qeta dhe shpesh të buta në pjesën më të madhe të Evropës gjatë periudhës së Krishtlindjeve, rrethanat në atmosferë po ndryshojnë.

Ky sistem me presion të lartë po lëviz ngadalë drejt perëndimit, duke hapur rrugën që masat e ftohta ajrore Arktike të zbresin drejt pjesëve qendrore, lindore dhe jugore të kontinentit, shkruan Severe Weather.

Një rënie e ndjeshme e temperaturave

Ndërsa blloku i Rex-it tërhiqet, po formohet një model i ashtuquajtur dipolar moti, një anticiklon i fortë mbi Atlantikun dhe Evropën Perëndimore, ndërsa një ciklon thellohet mbi pjesët lindore dhe veriore të kontinentit.

Kjo lejon depërtimin e ajrit të akullt nga veriu dhe verilindja, i cili do të sjellë temperatura dukshëm më të ulëta dhe reshje bore të rastit para Vitit të Ri.

Sipas modeleve të parashikimit, masa e ajrit të ftohtë mund të jetë 10-15 °C nën vlerat normale për fundin e dhjetorit dhe fillimin e janarit, gjë që do të rezultonte në një rënie të ndjeshme të temperaturave dhe ngrica në shumë rajone. Lëvizja më e ftohtë e ajrit të ftohtë pritet praktikisht në të gjithë Evropën qendrore dhe lindore, dhe në disa zona temperaturat e mëngjesit mund të bien nën -10 °C.

Ndërsa temperaturat bien, mund të pritet borë në zonat veriore dhe lindore të kontinentit, ndërsa në zonat perëndimore si Mbretëria e Bashkuar dhe Irlanda, ajri i ftohtë do të kontribuojë gjithashtu në formimin e kushteve me borë në ditët e para të vitit 2026.

Rrotullimi i temperaturës

Pas ndërhyrjes fillestare të masës së ftohtë, kushtet atmosferike mund të bëhen përsëri më dinamike. Pritet që në të njëjtën kohë me rrymat më të ftohta veriore, rrjedha e ajrit më e ngrohtë, jugore do të kthehet gradualisht, veçanërisht përgjatë Mesdheut.

Ky kombinim i masave të ndryshme ajrore mund të çojë në modele të papritura të motit – nga ditët e ftohta dhe me borë në rajonet veriore deri te kushtet më të theksuara më të ngrohta dhe më të lagështa drejt jugut dhe jugperëndimit të kontinentit.

Shkurt, ditët e para të vitit 2026 mund të shënojnë fillimin e vërtetë të sezonit të dimrit, me një valë të dallueshme të ftohtë dhe episode bore, por edhe me mundësinë e ndryshimeve më të shpejta të motit ndërsa modelet atmosferike vazhdojnë të zhvillohen.

Ngrohtësia dhe shirat e rrëmbyeshëm po kthehen në Ballkan

Ndërsa perëndimi i Evropës do të ngrijë, situata në zonën tonë do të përmbyset plotësisht. Do të vendoset një rrymë e qëndrueshme jugperëndimore, e cila do të sjellë ajër dukshëm më të ngrohtë dhe më të lagësht nga Mesdheu drejt Evropës qendrore dhe lindore dhe Gadishullit Ballkanik. Kontrasti i temperaturës në të gjithë Evropën do të jetë i madh.

Në Ballkan dhe Evropën Lindore, temperaturat mund të jenë deri në 15 °C më të larta se mesatarja, dhe vlerat ditore do të arrijnë lokalisht 15 °C. Sasia e lartë e lagështisë do të sjellë edhe reshje të dendura shiu, veçanërisht në shpatet jugore të Alpeve dhe shpatet perëndimore të Dinarideve dhe Apenineve, ku gjatë javës mund të bien midis 150 dhe 300 milimetra shi.

Fëmijët e personazheve të famshëm që nuk pranuan mbiemrin e prindërve të tyre

Published

5 hours ago

2 January, 2026

albnews

Të rritesh si fëmijë i një ylli të njohur shpesh vjen me privilegje, por edhe sfida të mëdha, sidomos për ata që duan të krijojnë karrierën e tyre pa qenë gjithmonë në hije të prindërve. Një mbiemër i njohur mund të hapë dyer, por gjithashtu sjell pritshmëri, paragjykime dhe vëmendje të tepruar.

Disa fëmijë kanë zgjedhur të ndryshojnë mbiemrin e tyre për të ndërtuar një identitet profesional të veçantë, qoftë në të njëjtin fushë me prindërit, qoftë në një drejtim krejt tjetër.

Ja disa nga rastet më të njohura:

Suri Cruise – Suri Noelle
Këngëtarja dhe aktorja e njohur Suri, vajza e Katie Holmes dhe Tom Cruise, së fundmi përfundoi shkollën e mesme në New York. Në programin e diplomimit, emri i saj u shfaq si Suri Noelle dhe jo Suri Cruise. Kjo lëvizje u interpretua si një distancim i parë nga mbiemri i njohur i babait të saj.

Shiloh Jolie-Pitt – Shiloh Jolie
Në ditëlindjen e saj të 18-të, Shiloh Jolie-Pitt, një nga gjashtë fëmijët e Angelina Jolie dhe Brad Pitt, kërkoi ligjërisht të hiqte “Pitt” nga mbiemri i saj. Edhe disa nga motrat e saj përdorin vetëm “Jolie” në dokumentet publike, si Vivienne Jolie dhe Zahara Marley Jolie. Angelina Jolie vetë kishte hequr mbiemrin e babait të saj, Jon Voight, në vitin 2002.

Malia Obama – Malia Ann
Për të shmangur paragjykimet që vijnë nga fakti që është vajza e një presidenti të mëparshëm, Malia Obama debutoi si regjizuese në Sundance Film Festival duke përdorur vetëm emrin e mesëm, Malia Ann, pa mbiemrin Obama. Kjo i lejon të ndërtojë karrierën e saj duke u vlerësuar për meritat personale dhe jo për mbiemrin që mban.

Micheál Neeson – Micheál Richardson
Micheál, djali i Liam Neeson, ndryshoi mbiemrin e tij në Richardson, në nder të nënës së tij, Natasha Richardson, e cila humbi jetën në një aksident në ski në vitin 2009. Liam Neeson ka thënë se vendimi e emocionoi thellë dhe ishte një mënyrë e bukur për të nderuar kujtimin e nënës së tij.

Nicolas Coppola – Nicolas Cage
Djali i familjes Coppola, Nicolas Cage, vendosi të largohej nga mbiemri i njohur familjar për të ndërtuar identitetin e tij artistik. Ai zgjodhi mbiemrin Cage, frymëzuar nga personazhi Luke Cage i Marvel dhe kompozitori avant-garde John Cage. Kjo e ndihmoi të krijonte karrierën e tij pa krahasime të vazhdueshme me të famshmit të familjes.

Show - Biz

“Për ne ka qenë bombë”, Merita flet për takimin me Parashqevi Simakun: Lutem çdo ditë për të

Published

5 hours ago

2 January, 2026

albnews

Këngëtarja e njohur Merita Halili, e ftuar në emisionin Living Day në Vizion Plus, ka folur me emocion për gjendjen shëndetësore të Parashqevi Simakut, duke e cilësuar situatën si shumë të rëndë dhe të dhimbshme.

Halili u shpreh se lajmi për Parashqevi Simakun ka qenë një “bombë” për të dhe një moment tepër i vështirë, pasi ato i përkasin së njëjtës gjeneratë dhe janë rritur artistikisht bashkë.

“Për ne ka qenë bombë dhe një moment shumë i vështirë. Më ka rënë, shumë keq sepse ne kemi dalë edhe me Parashivin, kemi qenë e njëjta gjeneratë, e njëjta moshë. Nuk mund të flas për këtë gjë, sepse është thënë dhe stërthënë nga të tjerë, aq më tepër edhe nga vetë Parashka.,” tha ajo.

Merita zbuloi se e ka takuar së fundmi në ditëlindjen e fotografit të njohur Fadil Berisha, ku kanë qëndruar në të njëjtën tavolinë dhe kanë biseduar për disa minuta.

“E takuam në ditëlindjen e Fadil Berishës. Qëndruam në një tavolinë, folëm bashkë me njëra-tjetrën. Mendoj që Parashka po merr veten avash-avash. Shpresoj çdo ditë dhe lutem për Parashkën që të jetë mirë shëndetësisht. Folëm për disa minuta bashkë.

Parashka së shpejti do të jetë edhe më mirë dhe kam shpresë. I uroj gjithë të mirat, aq më tepër që viti 2026 ta gjejë akoma edhe më mirë. Kemi kënduar bashkë në Vlorë për herë të parë, ishim të dyja njësoj. Në një moshë kemi dalë, Parashkë. Parashkë. Po, gjithmonë Parashka“, shprehet Merita Halili.