Prej më shumë se 48 orësh, qyteti dhe rrethinat e Durrësit vazhdojnë të jenë nën pushtetin e ujërave të shirave të rënë. Edhe pse përmbytjet kanë përfshirë zona të mëdha, pushteti lokal dhe ai qendror është mjaftuar vetëm me njoftime dhe fjalë, pa shkuar në ndihmë të banorëve.
Ndryshe kanë vepruar përfaqëues të opozitës, të cilët me mundësitë e tyre kanë ndihmuar sado pak banorët e përmbytur.
Një prej atyre që kanë dhënë ndihmën e saj, është edhe Jola Hysaj, sekretarja e Marrëdhënieve me Publikun në PD, e cila duke qenë edhe banore e Durrësit, ka qenë në terren në ndihmë të banorëve.
Nga terreni ku ishte duke ndihmuar të përmbyturit, Hysaj ka shkuar në studion e ‘Opinion’ me çizmet që kishte veshur, për të treguar edhe situatën e rëndë ku ndodhet qyteti i Durrësit, i shkatërruar nga qeverisja socialiste për vite më radhë.
Jola Hysaj e ftuar në studion e emisionit “Opinion “ ka treguar se ajo që 16 vjeç është angazhuar në politikë në qytetin e Durrësit, teksa shton se do të kandidojë në primaret e PD në këtë qytet.
Por ajo që ra më shumë në sy ishte paraqitja e saj, e cila kishte zgjedhur të vinte në studio e veshur me çizme, kjo një simbolikë për përmbytjet të cilat kanë përfshirë qytetin.
Hysaj tha se në Durrës aktualisht që flasim 400 shtëpi janë totalisht të përmbytura, ku sipas saj në këtë qytet po bëhet kasaphane.
Blendi Fevziu: Jola ti je rreshtuar në Partinë Demokratike. Që kur ke nisur të angazhohesh me politikë?
Jola Hysaj: Që 16 vjeç dhe unë këtu vij sot, përfaqësoj ose të jem pjesë e primareve të atij qarku i cili është qarku i Durrësit.
Blendi Fevziu: Do të kandidosh për deputete?
Jola Hysaj: Do të kandidoj në primaret e Partisë Demokratike në qarkun Durrës i cili sot siç mund ta shihni edhe simbolikën që unë kam sjellë janë pikërisht çizmet dhe është tejet i përmbytur. Është totalisht i përmbytur dhe është rëqethëse fakti që mbi 400 shtëpi janë totalisht të përmbytura, janë nën ujë ku një pjesë e mirë e plazhit, por edhe sa i përket rëshkitjes së dherave të kodrës së Currilave po ndodh një kasphanë në qytetin e Durrësit aktualisht që flasim ku një pjesë e madhe e fshatrave janë nën ujë, por edhe pjesa më e madhe e qytetit.
Blendi Fevziu: Pra do të kandidosh?
Jola Hysaj: Do të kandidoj në primaret e Durrësit.
