Nuk ndalet vala e tërmeteve në Santorini. Një tjetër tërmet me magnitude 4.8 është regjistruar mbrëmjen e sotme rreth orës 19: 48 me orën lokale në ishullin grek, i cili pasoi një tërmet me magnitudë 4.4 një minutë më parë.
Shkencëtarët kanë raportuar se nga 2 shkurti deri në 5 shkurt 2025, lëkundjet në zonën Santorini-Amorgos u intensifikuan edhe më shumë.
Vetëm më 2 shkurt janë regjistruar mbi 1300 tërmete dhe më 3 shkurt mbi 1400. Në total, nga data 26 janar deri në mëngjesin e 5 shkurtit janë regjistruar mbi 6400 tërmete.
Më 2 shkurt kanë ndodhur 5 tërmete me magnitudë 4.5 ballë, më 3 shkurt 7 tërmete dhe më 4 shkurt 9 tërmete. Forca e tërmetit më të madh ka qenë 4.6 ballë më 2 shkurt, ndërsa më 3 dhe 4 shkurt kanë ndodhur tre tërmete me magnitudë 4.9-5 ballë të shkallës Rihter dhe katër të tjerë me magnitudë 4.8.
