Kina ka paraqitur një padi në Organizatën Botërore të Tregtisë kundër tarifave të vendosura nga Shtetet e Bashkuara të Amerikës.
Sipas mediave të huaja, ka qenë një zëdhënës në Ministrinë e Tregtisë, i cili bëri publik lajmin se Kina ka ngritur gjithashtu një padi në Organizatën Botërore të Tregtisë (OBT).
Tarifa e vendosur nga SHBA “shkel seriozisht rregullat e OBT-së, dëmton të drejtat dhe interesat legjitime të anëtarëve të OBT-së dhe minon sistemin tregtar shumëpalësh të bazuar në rregulla dhe rendin ekonomik e tregtar ndërkombëtar”, thotë zëdhënësi.
“Është një praktikë tipike bullizmi e njëanshme që rrezikon stabilitetin e rendit global ekonomik dhe tregtar. Kina e kundërshton me vendosmëri këtë”, tha ai më tej.
Kujtojmë se ditën e djeshme, administrata e Presidentit Donald Trump publikoi tarifat e vendosura nga sHBA kundrejt një sërë vendeve të botës, mes të cilave ishte edhe Shqipëria.
