“Jo, faleminderit!”, kështu i është përgjigjur Trump, në një mesazh në Twitter, ministrit iranian të Punëve të Jashtme, Mohammad Javad Zarif, i cili kishte theksuar në një intervistë se Teherani mund të pranojë të negociojë, nëse SHBA-ja heq sanksionet.
“Ministri iranian i Punëve të Jashtme thotë që Irani dëshiron të negociojë me SHBA-në, por kërkon që sanksionet të hiqen”, shkruan Trump. “Jo faleminderit!”, shton ai.
“Donald Trump do të bënte mirë ta bazonte politikën e tij të jashtme dhe komentet mbi fakte dhe jo mbi titujt e mëdhenj të “FoxNews”, theksoi ministri iranian i Punëve të Jashtme, Mohammad Javad Zarif në një mesazh në Twitter.
Ministri iranian i Punëve të Jashtme, Mohammad Javad Zarif, shkroi në një mesazh në Twitter, se ai ishte keqinterpretuar nga presidenti amerikan.
Sipas Zarifit, Trump ka keqinterpretuar ato që ka thënë në një intervistë për të përjavshmen gjermane “Der Spiegel” ku është shprehur se “administrata Trump mund të korrigjojë sjelljen e saj të së kaluarës, të heqë sanksionet dhe të kthehet në tryezën e bisedimeve”.
