Publikohen disa nga gabimet më të njohura të bëra nga presidentët dhe zonjat e para të SHBA-së ndaj anëtarëve të familjes mbretërore britanike gjatë viteve. Pavarësisht nëse ishte për shkak të nervozizmit apo thjesht një gabim njerëzor, këto momente kanë hyrë në histori.
Ndër rastet e veçanta përmenden:
“Puthja e Carterit”
Presidenti Jimmy Carter u përfol se puthi Mbretëreshën Nënë në buzë gjatë një darke në vitin 1977, edhe pse ai vetë deklaroi se ishte në faqe.
Bush flet gabim
Gjatë një fjalimi në vitin 2007, Presidenti George W. Bush gabimisht u referua festimit të dyqindvjetorit të SHBA-së në vitin 1776 si “17…1976”, duke shkaktuar të qeshura në sallë.
Michelle Obama shkel protokollin
Në vitin 2009, Michelle Obama vendosi dorën në shpinë të Mbretëreshës Elizabeth II, duke shkelur protokollin që kërkon që monarku të bëjë lëvizjen e parë të kontaktit fizik. Megjithatë, Mbretëresha ia ktheu gjestin.
Fjalimi i Barack Obamës ndërsa orkestra filloi të luante “God Save the Queen”
Gjatë një darke në Pallatin Buckingham në 2011, orkestra filloi të luante “God Save the Queen” teksa Presidenti Obama po mbante një dolli. Ai e ndaloi fjalimin e tij, duke treguar respekt për procedurën.
Trump ecën përpara
Gjatë një vizite në vitin 2018, Donald Trump u shfaq duke ecur para Mbretëreshës Elizabeth II, duke shkelur traditën që monarku udhëheq gjithmonë.
Këto episode tregojnë se edhe në takime me protokoll të lartë, gabimet njerëzore mund të ndodhin, duke krijuar momente të paharrueshme dhe shpeshherë qesharake.
