Në fshatin mesjetar të Scanno-s, në Italinë qendrore, jeton Margherita Ciarletta, një grua 94-vjeçare që është bërë simbol i qëndresës kulturore. E njohur nga vendasit si “L’Ultima Regina” – “Mbretëresha e Fundit”, Ciarletta është personi i fundit që vesh çdo ditë veshjen tradicionale të grave të Scannos, një kostum i errët me mëngë të gjata dhe shirit koke që ajo ka mbajtur që nga mosha 18-vjeçare.
Ndryshe nga gratë që i veshin këto rroba vetëm për festa apo parada kulturore, Ciarletta i vesh çdo ditë si veshje të zakonshme, duke alternuar versione të ndryshme gjatë javës.
“Gjithmonë më ka pëlqyer ky fustan, jam krenare që e vesh. Kjo ishte, dhe është ende, veshja ime e përditshme. Burrit tim nuk i pëlqeu kurrë, por kjo nuk më pengoi ta vishja çdo ditë, si gjatë punës në fusha ashtu edhe gjatë festave”, thotë ajo.
Ajo qëndron larg vëmendjes së turistëve që shpesh vijnë në fshat për ta parë dhe fotografuar, duke theksuar se është thjesht një gjyshe e zakonshme dhe krenare për rrënjët e saj.
Kjo formë qëndrese e heshtur është kthyer në një atraksion kulturor dhe emocional për vizitorët, por për Ciarlettën, është thjesht mënyra e saj e të jetuarit një dëshmi e dashurisë për historinë, traditën dhe identitetin rural italian.
