Një shqiptar i cili dyshohet se është autori kryesor i atentatit mafioz në Brescia, është arrestuar nga autoritetet italiane. Mediat italiane shkruajnë se shqiptari 33- vjeçar ka vrarë sipërmarrësin italian më 1 mars të vitit 2024 në qytetin Montichiarit të Italisë. Policia italiane bëri me dije se pjesë e atentatit mafioz ishin edhe persona të tjerë, të cilët nuk janë identifikuar ende.
Autoritetet italiane bënë me dije se shqiptari rezulton të jetë organizatori i një grupi kriminal të përbërë nga një sipërmarrës italian dhe disa shtetas marokenë. Sipas Prokurorisë ky grup ishte aktiv në trafikun e kokainës në zonën e Breshas. Nga ky operacion u bë i mundur arrestimi i tetë personave, përshirë këtu edhe 33-vjeçarin shqiptar.
Gjithashtu u zbuluan edhe dy struktura të tjera kriminale, të përfshira në mashtrime tatimore dhe përdorimin e faturave për transaksione të rreme, me një vlerë që kalon 450 mijë euro. Operacioni pilicor u shtri në shtatë provincia italiane: Brescia, Milano, Bergamo, Verona, Mantova, Ferrara dhe Rovigo, duke përfshirë njësi speciale, qen “cash dog” për kontrollin e parave, dhe njësi NAS për kontrolle mbi substanca anabolizuese.
