Në orën 18:00 Partia Demokratike do të zhvillojë protestë përpara kryeministrisë.
Krye demokrati Sali Berisha përmes një postimi në rrjete sociale njoftoi se do të vendoset një foltore e cilësuar platformë parlamentare përpara kryeministrisë dhe një herë në javë deputetët dhe qytetarët do të mbajnë fjalimet e tyre.
“Partia Demokratike ndërmerr hapin më të rëndësishëm kundër narkoparlamentit të kontrolluar nga Ramaduro. Fillimi i platformës parlamentare, përpara kryeministrisë! Kjo është alternativa e vetme që mbetet pasi parlamenti kalon qeverinë, programin dhe buxhetin pa debat! Dhe në kushtet që opozita lejohet të flasë vetëm 1 herë nga 9 seanca parlamentare”, shkruan Berisha.
Sipas Kreut të PD qëllimi i protestës është që zëri i opozitës të dëgjohet dhe debati në politikë të rikthehet. Ai njoftoi se po projektohen edhe protesta të tjera, të cilat do të organizohen në kohën më të përshtatshme.
