“Portreti i Elisabeth Lederer” i Gustav Klimt u shit për 236.4 milionë dollarë, duke u bërë vepra më e shtrenjtë e artit modern e shitur ndonjëherë në ankand dhe rekordi më i lartë global i shtëpisë së ankandeve. Piktura, e mbijetuar nga shkatërrimi gjatë Luftës së Dytë Botërore, ishte pjesë e koleksionit të Leonard A. Lauder dhe u ndoq nga një “luftë” ofertash 20-minutëshe.
Shumica e veprave të koleksionit Lauder tejkaluan vlerësimet, përfshirë një pikturë të Munch me 35.1 milionë dollarë dhe një peizazh tjetër të Klimt me 86 milionë dollarë. Koleksioni arriti 527.5 milionë dollarë, shumë mbi pritshmëritë.
Në shitjen bashkëkohore që pasoi, u spikatën vepra të Basquiat (48.3 milionë dollarë) dhe një rekord i ri për artistën britanike Cecily Brown (9.8 milionë dollarë).
Ndërkohë, një tualet i artë 18 karatësh i Maurizio Cattelan tërhoqi vetëm një ofertë të vetme, duke mbetur një nga momentet më të pazakonta të mbrëmjes.
