Udhëheqësi i Koresë së Veriut, Kim Jong Un theksoi sot se presidenti amerikan, Donald Trump mori një vendim të guximshëm për të rinisur dialogun mes dy vendeve.
Kim gjithashtu lavdëroi faktin se të dy liderët ishin takuar përsëri së bashku, kësaj radhe në Hanoi.
”Ishin përpjekje të nevojshme dhe të rrepta dhe duhej shumë durim për të arritur objektivat e përbashkëta”, theksoi ai.
Këto komente Kim i bëri për gazetarët gjatë një sesioni të shkurtër, pasi të dy udhëheqësit zyrtarisht filluan samitin e tyre të dytë për të diskutuar mbi çarmatimin bërthamor të Koresë së Veriut.
