Një turiste 23-vjeçare humbi jetën gjatë një testi zhytjeje në ujëra me shikueshmëri të kufizuar, ndërsa instruktori i saj është vënë nën akuzë për neglizhencë.
Sofia Devries po merrte pjesë në një kurs certifikimi për zhytje së bashku me partnerin e saj pranë Punta Cuevas, në Argjentinë. Gjatë zhytjes, për shkak të shikueshmërisë së dobët nën ujë, grupi u nda dhe ajo mbeti e izoluar.
Sipas hetuesve, e reja u përfshi nga paniku dhe gjatë përpjekjeve për t’u shpëtuar humbi furnizimin me ajër. Pavarësisht përpjekjeve të partnerit të saj për ta ndihmuar, ajo nuk arriti të mbijetonte.
Trupi i saj u gjet dy ditë më vonë në një thellësi prej rreth 25 metrash pranë Puerto Madryn.
Autoritetet kanë ngritur akuza ndaj instruktorit të zhytjes, duke dyshuar se nuk janë respektuar masat e nevojshme të sigurisë gjatë zhvillimit të testit. Hetimet për ngjarjen vazhdojnë.
