Konflikti mes Shteteve të Bashkuara dhe Iranit është përshkallëzuar ndjeshëm gjatë natës së dytë të operacioneve ushtarake, me të dyja palët që kanë shkëmbyer sulme në një nga përballjet më të rënda të viteve të fundit në rajonin e Gjirit.
Komanda Qendrore e SHBA-së (CENTCOM) njoftoi se forcat amerikane kryen një valë të re sulmesh ndaj rreth 90 objektivave ushtarake në territorin iranian. Sipas ushtrisë amerikane, objektivat përfshinin sisteme të mbrojtjes ajrore, depo raketash dhe dronësh, asete mbikëqyrjeje bregdetare, baza detare dhe infrastrukturë logjistike përgjatë bregdetit jugor të Iranit.
Më herët, CENTCOM kishte bërë të ditur se vala e parë e operacioneve kishte goditur mbi 80 objektiva ushtarake.
Presidenti amerikan Donald Trump deklaroi se Irani ka kontaktuar Uashingtonin për të diskutuar një marrëveshje, por la të kuptohet se administrata amerikane mbetet skeptike.
