Ka shkuar në 186 numri i personave të prekur me koronavirus në Shqipëri.
Nga testimet e fundit jane konfirmuar, 12 raste të reja, nderkohe qe harta eshte shtuar sot me Puken dhe eshte zgjeruar edhe me shume ne Tirane dhe Fier.
Shifrat janë bërë sot publike nga Ministria e Shëndetësisë, në përditësimin e të dhënave të fundit pas testimeve të bera në persona të dyshuar.
Sot në mëngjes është shënuar edhe viktima e tetë nga koronavirusi në vend, ndërkohe që mbrëmë vonë u njoftua edhe për vdekjen e pacientes së 7 që vuante nga kjo sëmundje.
Deri dje numri i te prekurve ne vend ishte 174 persona.
E PLOTE/ Drejtoresha e Institutit të Shëndetit Publik, Albana Fico, informon mbi situatën e COVID-19 në Shqipëri
Në vijim të komunikimit të përditshëm më Ju bëjmë me dije se vazhdon puna në terren për identifikimin e rasteve të reja dhe gjurmimin e kontakteve të rasteve të konfirmuara pozitive. Epidemiologët në çdo njësi vendore të kujdesit shëndetësor nga veriu në jug, janë në terren dhe po bëjnë një punë të jashtëzakonshme për të identifikuar në kohë kontaktet, pas verifikimit të rasteve të dyshuara.
Në 24 orët e fundit janë testuar 102 persona të dyshuar, prej të cilëve janë konfirmuar 12 raste të reja me COVID-19.
Deri në këto momente janë testuar 1246 raste të dyshuara dhe prej tyre janë të konfirmuar pozitivë me COVID-19, 186 raste.
