Një spital gjigant fushor u hap sot në një qendër konferencash në Londër, pasi ndërtimit në më pak se 10 ditë, për t’u marrë me fluksin në rritje të pacientëve të infektuar me koronavirusin e ri.
E ndërtuar me ndihmën e ushtrisë, spitali ”Nightingale”, me një kapacitet fillestar prej 500 shtretër, do të jetë në gjendje të arrijë në 4000 shtretër, thënë ndryshe ekuivalenti i 10 spitaleve konvencionale.
I inauguruar nga princi Charles përmes një videokonference dhe nga ministri i Shëndetësisë Matt Hancock në vend, ai është i pari nga një seri institucionesh provizore të planifikuara nga Britania e Madhe, ku COVID-19 ka shkaktuar deri tani gati 3 000 viktima.
Me një staf të planifikuar prej 16 000 personash, ky spital gjigant pa ekuivalent në tokën britanike, po përpiqet t’i përgjigjet përshpejtimit të pandemisë./
