Policia britanike po përballet me një nga sfidat e tyre më të mëdha të bllokimit këtë fundjavë, pasi moti me diell rrezikon të tërheq turmat në parqe.
Shefi i policisë në Devon dhe Cornwall, Constable Shaun Sawyer i tha BBC-së se është një “fundjavë thelbësore”, duke u kërkuar njerëzve që të luanin rolin e tyre dhe të shmangnin udhëtimet.
Kurse zyrtarët e Qeverisë kanë thënë se “qëndrimi në shtëpi është një udhëzim, jo një kërkesë”.
Një parashikim i motit të ngrohtë në pjesën më të madhe të Mbretërisë së Bashkuar këtë fundjavë ka çuar në paralajmërime nga këshillat lokale, agjencitë e turizmit dhe policia duke i bërë thirrje njerëzve të qëndrojnë larg zonave bregdetare, parqeve kombëtare dhe destinacioneve të tjera të vizitorëve.
Zyrrarët shprehen se të gjithë duhet të qëndrojnë në shtëpi aty ku është e mundur, dhe të largohen vetëm nëse kanë një “justifikim të arsyeshëm”, siç është stërvitja ose blerja e nevojave themelore.
Shifrat e fundit treguan se 3.605 persona me virus tani kanë vdekur në Britani, me 684 vdekje të regjistruara të Premten, kurse janë 38168 raste të konfirmuara me Covid-19, transmeton Albuk Tv.
