737 persona të tjerë kanë vdekur me koronavirus në spitalet në Mbretërinë e Bashkuar, duke marrë në total 10,612, thotë Departamenti i Shëndetësisë.
Është hera e parë që shifra e vdekjeve ka tejkaluar 10,000.
Në Angli, 657 njerëz të tjerë kanë vdekur, duke e çuar numrin e përgjithshëm të vdekjeve të lidhura me COVID-19 në 10.532.
Nga vdekjet e regjistruara, 42 pacientë i përkasin grupmoshës midis 30 dhe 98 vjeç, dhe nuk kishin asnjë diagnozë tjetër shëndetësore.
Skocia regjistroi 24 vdekje, Uellsi 18 dhe Irlanda e Veriut – 11.
Kombet e ndryshme në Mbretërinë e Bashkuar mbledhin shifrat e tyre në periudha të ndryshme gjatë gjithë ditës, kështu që ndonjëherë ka mospërputhje midis totalit të qeverisë së MB dhe kur numrat e secilit komb shtohen së bashku.
Gjithashtu, shifrat e fundit nuk japin një pasqyrë të vërtetë të vdekjeve në tërësi, pasi ato nuk përfshijnë vdekjet në shtëpitë e përkujdesjes – azilet. (BBC
