Për mirë ose keq, robotët do të zëvendësojnë shumë njerëz në punët e tyre, thonë analistët, dhe shpërthimi i koronavirusit po shpejton procesin.
“Njerëzit thonë se duan një element njerëzor në bashkëveprimet e tyre, por Covid-19 e ka ndryshuar atë,” thotë Martin Ford, një futurist që ka shkruar për mënyrat se si robotët do të integrohen në ekonomi në dekadat e ardhshme.
“[Covid-19] do të hapë mundësi të reja për automatizim.”
Kompanitë e mëdha dhe të vogla janë duke përdorur robotë për të rritur distancimin shoqëror dhe për të zvogëluar numrin e stafit që duhet të vijnë fizikisht në punë. Robotët po përdoren gjithashtu për të kryer role që punëtorët nuk mund të bëjnë në shtëpi.
Walmart, shitësi më i madh në Ameeikë, po përdor robotë për të pastruar dyshemetë e tij.Robotët në Korenë e Jugut janë përdorur për të matur temperaturat dhe shpërndarë larësin e duarve.
Me ekspertët e shëndetit që paralajmërojnë disa masa të distancës sociale mund të kenë nevojë të vendosen deri në vitin 2021, për robotët mund të ketë kërkesë më të madhe.
Kompanitë që bëjnë produkte pastrimi kanë parë që kërkesa të rritet.
Robotët UVD, prodhuesi danez i robotëve të dezinfektimit ultravjollcë, dërgoi qindra makina të tij në spitalet në Kinë dhe Evropë. Ushqimoret dhe restorantet që ofrojnë pije, gjithashtu përdorin këto makina gjithashtu.
Ekspertët thonë se ndërsa më shumë biznese rihapen, ne mund të presim që të shohim adoptimin e mëtejshëm të kësaj teknologjie – mund të shihni robotë që pastrojnë shkollat ose zyrat tuaja.
“Konsumatorët tani kujdesen më shumë për sigurinë e tyre dhe sigurinë dhe shëndetin e punëtorëve”, thotë Blake Morgan, autori i “Konsumatori i së Ardhmes”.
Ende ka kufizime. Morgan thekson që arka e automatizuar në dyqanet ushqimore duhet të zvogëlojë ndërveprimet njerëzore, por për shkak se shumë sisteme nuk funksionojnë mirë ose prishen lehtësisht klientët i shmangin ato dhe shkojnë në arkat në të cilat ka njerëz.
Fast food-et janë një vend tjetër ku përdorimi i robotëve ka të ngjarë të rritet.
McDonald’s kanë testuar robotë si kuzhinierë dhe kamarierë.
Në Amazon dhe Ëalmart, robotët ishin përdorur për të përmirësuar efikasitetin. Përhapja e Covid-19 ka të ngjarë që dy kompanitë që kërkojnë të rrisin përdorimin e robotëve përrregullime, transportim dhe paketim.
Kjo mund të zvogëlojë numrin e ankesave nga punëtorët , të cilët thonë se nuk mund të distancohen nga kolegët e tyre në kushtet aktuale. Por, sipas ekspertëve të teknologjisë, kjo do t’i linte disa prej tyre pa punë.
Sapo një kompani të ketë investuar në zëvendësimin e një punëtori me një robot, nuk ka gjasa që firma të punësojë prapë njerëz për atë punë. Robotët janë më të shtrenjtë për tu krijuar dhe integruar në biznese, por pasi të fillojnë të funksionojnë, ata janë zakonisht më të lirë se punëtorët njerëzorë.
Sipas futuristit Martin Ford, përdorimi i robotëve në botën e Covid-19 gjithashtu paraqet disa avantazhe të marketingut.
“Njerëzit do të preferojnë të shkojnë në një vend që ka më pak punëtorë dhe më shumë makina sepse ata mendojnë se mund të ulet rreziku i përgjithshëm,” tha ai. / BBC-bota.al
