Vazhdojnë lajme të mira për futbollin evropian. Çdo ditë kampionate të ndryshme po e caktojnë datën e rikthimit.
Të martën këtë e ka bërë edhe liga elite e Portugalisë. Ndeshjet e kampionatit portugez do të luhen prej 4 qershorit, ka njoftuar Reuters.
Qeveria e Portugalisë kishte dhënë leje që ndeshjet të luhen prej 30 majit, por liga të martën ka njoftuar se ndeshja e parë do të luhet më 4 qershor. Rifillimi është shtyrë pak që të ketë kohë të mjaftueshme për të inspektuar të gjitha stadiumet. Po ashtu duhet të testohen të gjithë lojtarët para se kampionati të vazhdojë.
