Japonia pritet të heqë situatën e gjendjes të jashtëzakonshme në një pjesë të madhe të vendit këtë të enjte, sipas agjencisë së lajmeve Reuters, por kryeqyteti Tokio do të mbetet nën kufizime derisa të ketë kontroll bindës ndaj koronavirusit.
Kryeministri Shinzo Abe është planifikuar të mbajë një konferencë shtypi, ku dhe pritet të njoftojë heqjen e gjendjes së jashtëzakonshme për 39 nga 47 prefekturat e Japonisë, por pa përfshirë Tokio.
Ekonomia e tretë më e madhe në botë shpalli një gjendje të jashtëzakonshme mbarëkombëtare një muaj më parë, duke u bërë thirrje qytetarëve që të zvogëlojnë kontaktin me njëri-tjetrin për të ngadalësuar ritmin e infeksioneve të reja dhe për të lehtësuar tendosjen e shërbimeve mjekësore. Qeveria më herët, kishte thënë se do të rivlerësonte situatën në mes të majit.
