Kryeministri italian Giuseppe Conte paraqiti të shtunën një plan për heqje të mëtejshme të kufizimeve të lëvizjes, duke përfshirë hapjen e kufijve për udhëtarët nga Evropa nga muaji i ardhshëm për të lëshuar njërën nga bllokimet më të ngurta të koronavirusit në botë.
Qeveria ka njoftuar hapjen e dyqaneve, si dhe bareve dhe restoranteve nga e hëna dhe se njerëzit nuk do të duhet të justifikojnë udhëtimet brenda rajonit të tyre dhe do të jenë në gjendje të takojnë miq, si dhe familjet e tyre.
“Njerëzit do të jenë në gjendje të shkojnë kudo – në dyqane, në male, në liqen apo bregdet,” tha Conte.
Njoftimet erdhën ndërsa vdekjet e koronavirusit në Itali, vendi I tretë më i prekur në botë, ra në 153 të shtunën, më i ulti që nga 9 Marsi.
Ndalimi i udhëtimit midis rajoneve dhe jashtë saj do të mbetet në fuqi deri pas festës së 2 qershorit, Ditës së Republikës në Itali, duke parandaluar çdo udhëtim masiv gjatë asaj fundjave të gjatë pushimesh.
Por, kufizimet e udhëtimit do të hiqen nga 3 qershori dhe udhëtarët nga vendet e Bashkimit Evropian do të jenë në gjendje të hyjnë në Itali pa bërë karantinë, duke ofruar disa shpresa përpara verës në sektorin jetësor të turizmit./World Economic Forum
