Ambasadorët e vendeve anëtare të NATO-s në Bruksel kanë caktuar takim urgjent këtë pasdite, pasi SHBA-ja paralajmëroi tërheqjen e saj nga marrëveshja ndërkombëtare “Qiell i hapur”, kumtuan burimet diplomatike.
“Takimi është caktuar për këtë pasdite, ku do të analizohen pasojat e vendimit, të cilin e paralajmëroi presidenti amerikan Donald Tramp, duke theksuar se Rusia nuk e respektoi marrëveshjen dhe prandaj SHBA-ja gjithashtu nuk do të respektojnë dhe do të tërhiqet”, theksojnë burimet diplomatike.
Sipas burimeve, vendimi i SHBA-së është kritikuar në Aleancë dhe “të gjithë aleatët kanë kërkuar nga SHBA-ja që t’i përmbahen marrëveshjes”.
Për dy dekada, “Qielli i hapur” (Open Skies Teraty) ka mundësuar fluturime mbikëqyrëse të aeroplanëve të paarmatosur mbi territoret e 34 vendeve nënshkruese, që fillimisht duhej ta përforcojë besimin dhe parandalimin e konflikteve SHBA – Rusi.
