Parlamenti Evropian miratoi sot detyrimin që do i imponohet prodhuesve të automjeteve për të reduktuar për 37,5% prodhimin e CO2-shit nga automjetet e reja deri në vitin 2030.
Me 521 vota pro dhe 63 vota kundër, deputetët evropianë të mbledhur në sesion plenar në Strasburg, miratuan një marrëveshje që ishte arritur me shumë përpjekje në fund të dhjetorit me Këshillin Evropian, që përfaqëson shtetet anëtare.
Në fillim, Komisioni Evropian synonte një reduktim me 30% të gazit CO2 deri në 2030, por eurodeputetët dhe shtetet anëtare vendosën të jenë më shumë ambiciozë duke e rritur nivelin në 37,5%. Nga këto masa preken edhe mjetet e transportit, që do të duhet të reduktojnë ndotjen me 31%./ATSH
