Irani ka raportuar më shumë se 100 vdekje të reja nga Covid-19 për dy ditë me radhë. Zëdhënësi i ministrisë së shëndetësisë Sima Sadat Lari tha se të dielën vdiqën 113 pacientë, duke e çuar në 8.950 numrin e të vdekurve. 2,449 persona të tjerë u testuan pozitivë. Zëdhënësi i qeverisë Ali Rabiei ka frikën e një vale të dytë, duke thënë “kurba e numrit të vdekjeve nuk është e mprehtë”. Por, ai paralajmëroi se “Nëse zbulojmë se përhapja e virusit është jashtë kontrollit atëherë patjetër do të zbatojmë përsëri vendime të rrepta.”
Katari ka filluar fazën e parë të planit për të hequr kufizimet. Rreth 500 xhami mund të rihapen për lutje, përveç të premteve, kur shumë muslimanë marrin pjesë në falje. Dyqanet në qendrat tregtare me hapësirë të paktën 300 m katror (3,230 sq ft) lejohen të hapen ditët e javës, por jo fundjavave.
Egjipti do të rihapë në 1 korrik të gjitha aeroportet e tij për fluturime ndërkombëtare. Ministri i Aviacionit Civil, Mohammed Manar tha se do të merren hapa për të siguruar shëndetin dhe sigurinë e pasagjerëve, përfshirë kërkimin e atyre që vijnë nga vendet me nivele të larta të infeksioneve Covid-19 që të testohen para fluturimit./BBC
