Në Francë mijëra mjekë, infermierë dhe stafe spitalore kanë protestuar për të kërkuar më shumë investime në sistemin shëndetësor.
Ashtu si në shumë vende, publiku francez shprehu mirënjohjen dhe mbështetjen e tij të konsiderueshme për mjekët gjatë pandemisë – tani punonjësit e shëndetit dëshirojnë që kjo të ndiqet me më shumë burime.
Rreth 18,000 njerëz morën pjesë në protestat në Paris, të cilat përfunduan me veprime të dhunshme nga një grup i vogël, i cili hodhi gurë dhe përmbysi një makinë. Policia bëri 20 arrestime.
Sindikatat po kërkojnë rritje të pagave dhe më shumë shtretër në spitale, dhe thonë se Covid-19 ekspozoi dobësitë e shërbimit shëndetësor francez.
Presidenti Emmanuel Macron tha se qeveria e tij pas tre javësh konsultime ka marrë vendimin për të shpërblyer stafin që ka punuar gjatë krizës./BBC
