Instruktorët e drejtimit të automjeteve në Angli do të jenë në gjendje të rifillojnë mësimet dhe të bëjnë testet e tyre nga 4 korriku, ka konfirmuar qeveria e Mbretërisë së Bashkuar.
Lideri i House of Commons, Jacob Rees-Mogg u tha deputetëve se Agjensia e Liçensimit të Patentave dhe Automjeteve (DVLA) u kishte shkruar sot instruktorëve për të përgatitur planet për mënyrën sesi mund të rifillojnë mësimet në mënyrë të sigurt.
Mësimet dhe testet janë pezulluar gjatë bllokimit.
Rees-Mogg tha që rifillimi i testeve do të kryhej në faza, në mënyrë që nxënësit të kishin kohë për t`u praktikuar./BBC
