Kryeministri i Mbretërisë së Bashkuar Boris Johnson ka dhënë sot në mëngjes një intervistë për të sapokrijuarën Times Radio.
Johnson i tha stacionit se qeveria duhet të merrte një qasje aktiviste dhe ndërhyrëse ndaj ekonomisë në përgjigje të pandemisë së koronavirusit.
Ai tha se një tani është e nevojshme një përpjekje ekonomike si ajo e miratuar nga ish-presidenti amerikan Franklin D Roosevelt në marrëveshjen e tij të re, për shkak të depresionit të madh.
“Unë besoj personalisht se ajo që duhet të bëjë qeveria tani është të vazhdojmë me një qasje aktiviste, ndërhyrjeje.
“Por kjo është gjithashtu mënyra për ta bërë biznesin të jetë i sigurt, të fillojë të investojë, të fillojë t’i tërheqë njerëzit përsëri dhe të fillojë krijimin e vendeve të reja të punës dhe të krijojë rritje ekonomike të re.”
Kryeministri tha se do të ketë përpara “disa pengesa”, por Mbretëria e Bashkuar do të marrë përsipër pasojat ekonomike, duke shtuar se njerëzit “instinktivisht” e dinin se do të ishte e vështirë.
Kryeministri gjithashtu tha që qeveria ishte “e shqetësuar” për një rritje të rasteve të koronavirusit në Leicester. Në dy javë deri në 23 qershor, ka pasur 866 raste pozitive në qytet – 29% e 2,987 që kanë testuar pozitive që nga fillimi i pandemisë.
Kryebashkiaku i qytetit, Sir Peter Soulsby, më herët i tha BBC-së se atij i ishte thënë nga qeveria se kufizimet aktuale të koronavirusit duhet të vazhdojnë në Leicester edhe për dy javë të tjera./BBC
