Autoritetet lokale vendosën masa bllokimi në dy rrethe gjermane javën e kaluar pas shpërthimit të koronavirusit në një fabrikë për paketimin e mishit në afërsi të qytetit Gütersloh.
Të gjithë punëtorët në fabrikën e Tönnies u urdhëruan për karantinën. Punonjësit u mbyllën brenda ambienteve të banimit dhe zyrtarët filluan të shpërndanin pako ushqimore për të izoluarit.
Të dielën zyrtarët shëndetësorë njoftuan një rritje “të dukshme” të rasteve të konfirmuara rreth Gütersloh, përfshirë mesin e njerëzve pa asnjë lidhje me zonën.
Tani është e paqartë nëse autoritetet do të zgjasin bllokimin. Kur kancelarja gjermane Angela Merkel lehtësoi kufizimet kombëtare në maj, ajo vendosi të ashtuquajturin “frenim emergjent”, duke kërkuar nga autoritetet vendase të rimarrin kufizimet nëse rastet do të rriteshin në një prag prej 50 për 100,000 njerëz gjatë një periudhe shtatë ditore.
Në Warendorf, kjo shifër raportohet të jetë në 21.2. Por në Gütersloh numri mund të jetë deri në 170 për 100,000 banorë.
Kryeministri i Rhein-Westphalia Armin Laschet do të japë një konferencë për shtyp më vonë duke njoftuar vendimin për dy rrethet./BBC
