Për herë të parë pas një kohë të gjatë, numri i të shëruarve ka tejkaluar numrin e të infektuarve me koronavirus. Gjatë 24 orëve të fundit janë regjistruar 123 persona të shëruar, ndërsa 120 kanë rezultuar pozitiv nga 954 teste të realizuara.
Sa i përket numri të të shëruarve, shifra më e lartë është regjistruar në Kumanovë 92 ndërsa në Shkup 17 persona.
Në 24 orët e fundit janë regjistruar 4 të vdekur që ishin shtrirë për kurim në Spitalin “8 Shtatori”. Të gjithë të vdekurit janë nga Shkupi edhe atë të moshës 51, 56, 58 dhe 67 vjeç.
Numri i përgjithshëm i të infektuarve ka mbërritur në 6454. Nga ky numër, 2598 janë shëruar, 3550 janë raste aktive dhe 306 kanë ndërruar jetë. Numër më të lartë të rasteve aktive ka Shkupi, 2049, Tetova 394 raste dhe Kumanova 211. Shtipi, Struga dhe Ohri kanë më shumë se 100 raste aktive.
Në spitalin “ 8 Shtatori” gjatë natës janë pranuar edhe 8 pacientë, duke e çuar numrin e të shtrirëve në 131. Prej tyre 10 ndodhen në aparat për frymëmarrje. Në Klinikën Infektive janë shtrirë edhe 6 pacientë. Në spitalin në Kozle ndodhen 24 pacientë.
