Ish-deputeti i LSI, Petrit Vasili tha se grabitja e 10 milionë eurove në aeroportin e Rinas është provë e qartë se shteti iu është dorëzuar krimit.
Në një deklaratë për mediat, ai tha se ngjarja e rëndë i vendosi damkën Shqipërisë botë.
“Reflektimi i shtetit mbas ngjarjeve të përsëritura, njëra më e rëndë se tjetra në aeroportin e Rinasit ka sjellë që të kishim një ngjarje më të rëndë sesa të tjera.
Në vend të reflektimit shteti ka zgjedhur dorëzimin e plotë të shtetit dhe interesave të tij krimit dhe kriminelëve. Qytetarët ndihen më të rrezikuar pikërisht në atë pjesë të vendit që është aeroporti i vetëm i vendit ku parametrat e sigurisë duhet të ishte maksimale dhe të padiskutueshëm.
Ky shtet tregon se tregon se vendi është në dorë të Zotit, ose më saktë në dorë të kriminelëve, por kurrsesi në dorë të shtetit”, pohoi Vasili.
Vasili tha se vendimi i vendimi i kompanisë ajrore austriake është i paprecedentë. “Vendimi i kompanisë ajrore austriake “Austrian Airlines” për të mos transportuar më ngakesa me vlera monetare është i një vendim i paprecedentë, si sigurisht llogjik dhe i drejtë, por që ekspozon Shqipërinë si një vend me siguri zero.
Ndërsa shtroi pyetjen se kush do mbajë përgjegjësi për ngjarjen. “Nuk ka asnjë zyrtar të shtetit të ngarkuar me përgjegjësi nga ligji që të jetë përpara drejtësisë e të ndalohet. Forcat e policisë janë të pafuqishëm, të pazot përpara katër kriminlëve, që mund të bëjnë çfarë të duan në aeroport. Asnjë shkarkim, pezullim, asnjë arrestim nga përgjegjësiet e kësaj pune. Ka përgjegjësi policia e shtetit, aviacioni civil i republikës, shërbimet informatike dhe askush nuk përgjigjet. Kush do përgjigjet? Kush e ka përgjegjësinë? Kjo qeveri ka vetëm një përgjigje se kështu ndodh në të gjithë botën.
Kjo qeveri e ka dorëzuar shtetin tek krimi. I vuri damkën Shqipërisë në opinionin e huaj. Si përherë gjurmët e grabitësve humbasin. Çdo ditë që kjo qeveri qëndron në atë karrike është ditë e zezë për shqiptarët”, tha Vasili.
